Guðrún Hannele: Íslenskir vettlingar – fegurð og fjölbreytileiki

Guðrún Hannele Henttinen er textílkennari, áhugakona um prjóntækni og prjónahefðir og íðorð í prjóni. Hún hefur rekið garnverslunina Storkinn í 12 ár og er er einn af stofnendum hátíðarinnar. storkurinn.is

Fyrirlestur fyrir þá sem hafa áhuga á vettlingaprjóni eða prjónaarfleifð Íslendinga.

Fjallað verður um vegferðina sem hófst fyrir nokkrum árum þegar ég ákvað að ráðast í það verkefni að gera bók um íslenska vettlinga. Fyrir valinu varð að teikna upp mynstur og skrifa uppskriftir fyrir valda vettlinga úr Heimilisiðnaðarsafninu á Blönduósi. Á safninu er að finna marga áhugaverða vettlinga og því var valið erfitt, en ég reyndi að hafa fjölbreytileikann að leiðarljósi. Árangurinn mun svo koma út í bók frá Forlaginu, vonandi innan tíðar. Vettlingar með tungu, vettlingar með íprjónuðum þumlum, vettlingar með hliðarþumlum, vettlingamynstur, tungutak í vettlingaprjóni og sitthvað fleira verður tekið fyrir ásamt myndasýningu af vettlingunum úr bókinni.

• Tungumál: Íslenska
  (Lecture also in English on Sunday)

• Tími: Fimmtudag, kl 13-14, 23. april 2020

• Lengd fyrirlestrar: 1 klst.

• Staður: Í námunda við Iðnó í miðborg Reykjavíkur. Verður auglýst þegar nær dregur.

• Verð: 4.900 ISK